Gudde Moien,

Dir sidd op der Homepage vun de Fraen a Mammen vu Berdorf geland.

Eisen aktuelle Comité besteet aus 12 Fraen tëschent 35 an 59 Joër. Verschidden wéi mir sin, hu mir natiirlech net all déselwecht Usiichten a Virstellungen, mee grad déi Diversitéit mecht eise Comité esou interessant an dynamesch. Mir hun eis engagéiert fir eis Arbecht an den Déngscht vun der gudder Sach ze setzen. Daat as eis och gutt gelongen a mir konnten schon sou muenche Scheck iwerreechen oder och mol kuerzfristeg hellefen do wou grad Nout um Mann war. Daat brengt eis Satisfaktioun an gett eis Energie fir weider ze fueren.

Mir organiséieren allerlee flott Saachen : Kachcours, Mammendagsiessen, Aerobiccours-Fittnesscours, Concerten, Kannerfuesbal, Wäicours, Blummecours, Ausflich, Cabaret….. a seit méi wéi 10 Joer eist ganz flott Haupeschfest mat Konschthandwierkermaart, den 1. Weekend no Allerhellegen an de Stroossen vun eisem schéinen Duerf.

Ouni eis 150 aktiv Memberen wär esou e Programm net méiglech a mir sin immens frou dat si eis esou gudd ennerstëtzen an ëmmer do si wa se gebraucht gin. Hinnen all e grousse Merci.

Vill aaner Informatiounen fannt dir op eiser Homepage. Klickt roueg heinandsdo bei eis eran, bestëmmt gidd dir dann och sou muenches gewuer a fannt villeicht och déi eng oder aner Saach déi iech gefällt an usprecht.

Hoffentlech begéine mir eis dann geschwënn. Merci villmollls fir ären Intérêt un eisem Veräin.

Ganz léif Gréiss

Linda Hartmann

Präsidentin Fraen a Mammen Berdorf

Joomla templates by a4joomla